Қырғызстанда бұрынғы парламент депутаты Шайырбек Ташиев ұсталды, деп хабарлайды Қырғыз ІІМ.
«Қырғыз министрлер кабинеті жанындағы мемлекеттік салық қызметінің материалдары мен аудиторлық тексеру негізінде «Қырғызнефтегаз» ААҚ-дағы сыбайлас жемқорлық фактісі бойынша қозғалған қылмыстық іс аясында Шаирбек Ташиев ұсталды», – делінген хабарламада.
Нақтыланғандай, ұсталған азамат бұған дейін Қырғызстан парламентінің депутаты қызметін атқарған.
Оның Бішкек қалалық ІІББ уақытша ұстау изоляторына қамалғаны атап өтіледі.
Тергеу «Қырғызнефтегаз» ААҚ-дағы сыбайлас жемқорлық фактісі бойынша жүргізіліп жатқаны хабарланды.
