Қазақстанның белгілі боксшысы Қанат Ислам Қазақстан жастар құрамасының үйлестірушісі қызметіне тағайындалды, деп хабарлайды Tizgin.kz.
«Қанат Ислам отандық бокста жастар құрамасының жұмысын үйлестіріп, әлемдік аренадағы нәтижелерді жақсартуға үлес қосады», – деп хабарлады Қазақстан бокс федерациясы.
Айта кетейік, Ислам бірінші орта салмақта WBA Inter-Continental, WBO NABO, WBO Inter-Continental, WBA Fedelatin және WBA Fedecaribe титулдарының иегері. Былтыр желтоқсан айында 27 желтоқсанда рингке шығуы тиіс болған Қанат Ислам жекпе-жектің өтпейтінін жариялаған еді.
Бұған дейін олимпиада чемпионы Серік Сәпиев Қазақстан бокс федерациясында қызметке тағайындалған. Енді ол федерация президентінің кеңесшісі.
