Владимир Зеленский АҚШ президенті Дональд Трамппен телефон арқылы сөйлескен келіссөздерінің қорытындысы туралы мәлімдеді, деп хабарлайды Tizgin.kz Zakon.kz-ке сілтеме жасап.
Зеленскийдің айтуынша, 25 ақпанда өткен 30 минуттық әңгіме барысында тараптар Женевада өтетін кездесуде украин және америкалық делегациялар талқылайтын мәселелерді пысықтаған. Бұл туралы ол өзінің Telegram-арнасында жазды.
“Біз ертең Женевада екіжақты кездесуде өкілдеріміз талқылайтын мәселелерді, сондай-ақ наурыз айының басында толық құрамда үшжақты форматта өтетін келесі келіссөздерге дайындықты сөз еттік. Бұл кездесу көшбасшылар деңгейіндегі келіссөздерге көшуге мүмкіндік береді деп үміттенеміз. Президент Трамп мұндай іс-қимыл ретін қолдайды”, – деді Зеленский.
Осылайша, АҚШ, Ресей және Украина арасындағы үшжақты кездесу алдын ала наурыздың басына жоспарланған. Алайда оның нақты өтетін орны әзірге жарияланған жоқ.
Сондай-ақ Зеленский телефон арқылы өткен келіссөзге АҚШ-тың арнайы өкілі Стив Уиткофф пен президенттің күйеу баласы Джаред Кушнер қатысқанын атап өтті.
