Қазақстанның бұрынғы бас прокуроры Қайрат Қожамжаровтың құқықтық статусы әлі күнге дейін айқындалмаған, деп хабарлайды Tizgin.kz.
«Қожамжаровқа қатысты қылмыстық іс тергеліп жатыр, оның статусы әзірге анықталған жоқ», – деді мәжіліс кулуарында бас прокурордың орынбасары Ғалымжан Қойгелдиев.
Прокуратура былтыр оған қатысты лауазымдық өкілеттіктерін асыра пайдалану, сондай-ақ ол басшылық лауазымдарда болған әртүрлі кезеңдерде қылмыстық жолмен алынған ақшаны заңдастыру фактілері бойынша сотқа дейінгі тергеп-тексеру басталғанын хабарлаған еді. Барлық қылмыстық істер бойынша арнайы прокурорлардың жетекшілігімен жедел-тергеу топтары құрылғаны сол тұста белгілі болған.
