Сарапшылар экономика үшін сыртқы тәуекелдер күшейіп келе жатқанын ескертіп жатыр, деп хабарлайды Tizgin.kz Orda.kz-ке сілтеме жасап хабарлады.
САРАПШЫЛАР НЕ ДЕЙДІ
Қазақстан қаржыгерлері қауымдастығының бағалауынша, Brent маркалы мұнай бағасы биыл 2020 жылдан бергі ең төмен құлдыраумен ұшырасуы мүмкін. Жыл басынан бері котировкалар шамамен 16 пайызға төмендеген. Ал нарық 2026 жылы ұсыныс сұраныстан асып түсуі мүмкін деген тәуекелді алдын ала ескеріп отыр.
Қазақстан үшін бұл – сыртқы экономикалық қауіптердің артуы деген сөз. Мұнай елдің экспорттық түсімдері мен валюта кірісінің негізгі көзі болып қала береді. Бағаның төмендеуі доллар ағынын азайтып, теңгеге түсетін қысымды күшейтеді әрі жыл соңындағы маусымдық валюта сұранысына айырбас бағамының сезімталдығын арттырады.
Сәрсенбі күні валюта нарығында доллар бағамы 511,47 теңге деңгейінде жабылды. Қауымдастықта ұлттық валютаның әлсіреуін шетел валютасына сұраныстың артуымен байланыстырып отыр. Ұлттық банк операциялары аясындағы конвертация көлемі мен экспорттаушылардың валюталық түсімін міндетті сату бұл сұранысты толық өтей алмауда.
НАРЫҚТАҒЫ ТҰРАҚАСЫЗДЫҚ
Мұнай нарығындағы тұрақсыздық қосымша тәуекел факторы ретінде сақталуда. Бағаның ұзақ мерзімді төмендеуі төлем балансы мен теңге бағамына қысымды одан әрі күшейтуі мүмкін.
Еске салайық, желтоқсан айында Каспий құбыр консорциумы инфрақұрылымының украин дрондарының шабуылынан зақымдануына байланысты CPC Blend маркалы қазақстандық мұнай экспорты шамамен үштен біріне қысқарған. Жеткізілім көлемінің азаюы да валюталық түсімдерді шектеп отыр.
