Шымкентте 10 жастағы баланың басына ағаш құлап, жеткіншек көз жұмды. Ақпаратты қала әкімдігі таратты, деп жазады Tizgin.kz.
Әкімдік ауа райының қолайсыздығынан ағаш құлап қайтыс болған баланың туған-туыстарына және жақындарына қайғыра көңіл айтқан.
«Қайғылы жағдайға қатысты қала әкімінің тапсырмасымен арнайы комиссия құрылып, оқиғаның мән-жайы тексеріліп жатыр. Отбасына барлық қажетті қолдау көрсетіледі», — делінген хабарламада.
Қала билігі тұрғындарды ауа-райының қолайсыздығына байланысты қауіпсіздік шараларын қатаң сақтауға шақырады.
